Mu gitondo cyo kuri uyu wa Kane tariki 10 Nzeri 2026, Umutoza w’ikipe y’igihugu ya Volleyball, Frédéric Guérin yasezereye abakinnyi bane barimo Matheus Bettim uzwi nka ‘Sekamana’ mu mwiherero wo kwitegura imikino nyafurika ahuza ibihugu mu bagabo (CAVB Africa Men’s Nations Championship), izabera i Tunis muri Tunisia; amakuru akavuga ko Matheus yari yasabye imyitozo atahamagawe.
Abakinnyi basezerewe mu mwiherero barimo Nolan Enzo Ganza bivugwa ko aherutse kwerekeza muri Police VC, Alex Rwanyonga na Irakoze Alain nabo ba Police VC kubera urwego bariho ugereranije n’abandi bakina ku myanya imwe.
Undi wavuye mu mwiherero w’ikipe y’Igihugu ni Umunya-Brazil, Matheus Bettim Sekamana nawe wa Police VC uherutse guhabwa ubwenegihugu bw’u Rwanda, gusa amakuru akavuga atahamagawe, ahubwo ko inzira zubahirizwa kugira ngo uwabuhawe akinire igihugu zitaranozwa neza.
Mu bakinnyi 14 Umutoza Frederic… yasigaranye azifashisha muri iyi mikino barimo Crispin Ntanteteri, Sylvestre Ndayisaba, Yves Mutabazi, Samuel Niyoshima, Eric Kwizera, Munyinya Mugisha, Simon Rwigema, Jean Santere Mugisha, Wicklif Dusenge, Kenny Ntawiha, Emmy Twagirayezu, Prince Kanamugire, John Nkurunziza na Frank Shyaka.
Imikino nyafurika ihuza ibihugu mu bagabo yagombaga kubera muri Repubulika Iharanira Demokarasi ya Congo (RDC), iza kwimurirwa i Tunis muri Tunisia n’Impizamashyirahamwe y’umukino wa Volleyball muri Afurika (CAVB), kubera indwara ya Ebola ikomeje kwibasira bimwe mu bice bya RDC.
Biteganijwe ko iyi mikino izatangira tariki 13 igasozwa ku ya 23 Nzeri 2026, mu gihe Ikipe y’Igihugu y’u Rwanda yo biteganijwe ko izahaguruka i Kigali yerekeza i Tunis ku wa
