Police VC yahigitse APR VC igera ku mukino wa nyuma wo Kwibohora 2024
![Police VC yahigitse APR VC igera ku mukino wa nyuma wo Kwibohora 2024](https://umusarenews.com/public/default-image/default-730x400.png )
Kuri uyu wa Gatanu tariki 26 Nyakanga 2024, ikipe ya Police VC yatsinze APR VC igera ku mukino wa nyuma w'igikombe cyo Kwibohora 2024.
Ni imikino yatangiye kuri uyu wa Gatanu aho biteganijwe ko izasozwa ku Cyumweru tariki 28 Nyakanga 2024.
Mbere y'uko batakaza umukino ubaha amahirwe yo gukina umukino wa nyuma, bashiki babo ba APR WVC bari bamaze gutsinda Ruhango WVC amaseti atatu ku busa (25-13, 25-20 na 25-23); biyifasha kugera ku mukino wa nyuma.
Mu mukino wari utegerejwe na benshi wanitabiriwe n'Umuvugizi wa Polisi y'u Rwanda, ACP Jean Bosco Rutikanga wagombaga guhuza amakipe y'abashinzwe umutekano, ikipe ya Police VC yatsinze APR VC amaseti atatu kuri imwe (25-23, 23-25, 25-23 na 25-19), nayo ibona itike yo gukina umukino wa nyuma.
Biteganijwe ko iyi mikino y'igikombe cyo Kwibohora 2024 ikomeza kuri uyu wa Gatandatu; aho mu bagore ya Police WVC izacakirana na RRA WVC ku isaha ya saa kumi z'amanywa, mu gihe undi mukino mu bagabo uzahuza ikipe ya REG VC na Kepler VC kubisaha ya saa kumi n'ebyiri.
Ni mu gihe imikino ya nyuma iteganijwe ku Cyumweru tariki 28 Nyakanga 2024, aho Police VC izakina n'izarokoka hagati ya REG VC na Kepler VC mu bagabo, mu gihe APR WVC izakina n'izarokoka hagati ya Police WVC na RRA WVC.
![Police VC yahigitse APR VC igera ku mukino wa nyuma wo Kwibohora 2024](https://umusarenews.com/public/default-image/default-730x400.png )
![Police VC yahigitse APR VC igera ku mukino wa nyuma wo Kwibohora 2024](https://umusarenews.com/public/default-image/default-730x400.png )
![Police VC yahigitse APR VC igera ku mukino wa nyuma wo Kwibohora 2024](https://umusarenews.com/public/default-image/default-730x400.png )
![](https://umusarenews.com/public/default-image/user.jpg)
Jonathan Habimana
Comment / Reply From
You May Also Like
Popular Posts
Newsletter
Subscribe to our mailing list to get the new updates!