Dark Mode
  • Thursday, 28 March 2024

Rwamagana-Munyaga: Abaturage bakanguriwe kwirinda ibyaha no kwicungira umutekano

Rwamagana-Munyaga: Abaturage bakanguriwe kwirinda ibyaha no kwicungira umutekano

Ubwo bari mu nteko rusange yabo ku gicamunsi cyo ku wa Kabiri tariki 17 Mutarama 2023, abaturage bo mu murenge wa Munyaga w’Akarere ka Rwamagana bsabwe kwirinda ibyaha, kwicungira umutekano no gutanga amakuru ku gihe.

 

Ibi aba baturage babisabwe n’Umuyobozi w'Akarere, Bwana Mbonyumuvunyi Radjab, ari kumwe n'Umuyobozi wa RIB ku rwego rw'Intara, Bwana Rutaro Herbert n'abandi bayobozi b'inzego z'umutekano zikorera mu Karere, ubwo bifatanyaga n'abaturage bo mu Kagari ka Kaduha.

 

Muri iyi nteko, Umuyobozi w'Akarere n'abandi bayobozi bakiriye banakemura ibibazo by'abaturage babajije, banatanga ibisubizo ku byifuzo by'abaturage birimo n'ibikorwaremezo bikenewe kongerwa mu Murenge wa Munyaga, kugira ngo bibafashe kwihutisha iterambere.

 

Abaturage bakanguriwe kugira uruhare mu gukumira no kurwanya ibyaha birimo ubujura, gukubita no gukomeretsa, guhohotera no gusambanya abana, amakimbirane mu ngo, gukoresha ibikangisho, gukoresha no gucuruza ibiyobyabwenge, banasobanurirwa amategeko ahana ibi byaha.

 

Bakanguriwe kandi kugira uruhare mu kubungabunga umutekano w'abakoresha umuhanda no kuwukoresha mu bwisanzure bugenwa n'amategeko, kugira ngo mu ngendo bakora bave kandi bagere aho bajya amahoro, hirindwa impanuka, muri gahunda ya #GerayoAmahoro.

 

Ni mugihe kandi abaturage basabwe kugira uruhare mu kubungabunga umutekano; banoza amarondo kandi bagakoresha neza ibitabo by'abinjira n'abasohoka mu midugudu hagamijwe gukumira ibyaha, ibitari mu bushobozi bwabo bakabitangaho amakuru mu nzego z'ubuyobozi n'iz'umutekano.

 

 

Amwe mu yandi mafoto yaranze iyi nteko y'abaturage mu Kagari ka Kaduha:

 

Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano
Rwamagana-Munyaga: Abaturage bakanguriwe kwirinda ibyaha no kwicungira umutekano

Comment / Reply From