Dark Mode
  • Friday, 29 March 2024

RDC: Abantu 15 bamaze kugwa mu mvururu, MONUSCO ihakana kwica abigaragambya

RDC: Abantu 15 bamaze kugwa mu mvururu, MONUSCO ihakana kwica abigaragambya

Abantu 15 barimo abasivile 12, abapolisi babiri n'umusirikare umwe ba MONUSCO ni bo bamaze gupfira mu mvururu zirimo imyigaragambyo n'ubusahuzi byo kwamagana ingabo za ONU muri Repubulika Iharanira Demokarasi ya Congo(RDC), nk'uko abayobozi muri iki gihugu babivuga.

 

Ubu butumwa bw'umuryango w'abibumbye bwo kubungabunga amahoro muri RDC, MONUSCO, buvuga ko umusirikare umwe n'abapolisi babiri babwo biciwe mu gitero bagabweho n'abitwaje intwaro, naho undi arakomereka bikomeye.

 

Mu itangazo, MONUSCO ivuga ko icyo gitero cyo ku wa kabiri tariki 26 Nyakanga 2022 cyabereye mu kigo cyayo cyo mu mujyi wa Butembo muri Kivu ya Ruguru, mu burasirazuba bw'iki gihugu, abateye bashikuje imbunda abapolisi ba Congo, bakarasa begereye ababungabunga amahoro ba MONUSCO.

 

Abigaragambya kandi ngo bagaragaje uburakari batewe n'iyicwa rya bagenzi babo bapfuye kuva ibi bikorwa byatangira ku wa Mbere tariki 25 Nyakanga 2022, gusa Umuyobozi w'agateganyo wa MONUSCO, Khassim Diagne, yahakanye ibivugwa mu bitangazamakuru by’uko abasirikare bayo barashe abasivile.

 

Mu kiganiro kuri televiziyo ya leta, RTNC, yavuze ko abateye ibigo bya MONUSCO bari mu matsinda yiteguye neza ndetse yarushije imbaraga ibigo byabo[bya MONUSCO], aho ayo matsinda yanarashe indege za kajugujugu za MONUSCO, ashimangira ko nta bigaragambya na bamwe barasheho, mu gihe Umunyamakuru wa Reuters yavuze ko yabonye abasirikare ba MONUSCO bica barashe abigaragambya babiri i Goma.

 

Diagne yavuze ko abateye ku wa kabiri ari abagizi ba nabi biyoberanyije nk'abigaragambya, bavuga ko bashaka gushyikiriza inyandiko y'ibyo basaba, ubundi bararasa ubwo bari begereye ikigo cya ONU, ni mu gihe Guverineri w'intara ya Kivu ya ruguru, Lieutenant Général Constant Ndima, mu ijoro yatanze ubutumwa bwo guhagarika imyigaragambyo yose muri iyo ntara.

 

Ubwo yari mu kiganiro n'abanyamakuru hamwe n'Umuvugizi wa leta ya Congo kuri televiziyo y'igihugu, Diagne yongeye gusaba kwigengesera kw'abigaragambya, kuko imyigaragambyo nta kintu na kimwe icyemura; ndetse mu butumwa bwo kuri Twitter, MONUSCO yasubiyemo amagambo ya Diagne yo muri icyo kiganiro avuga ko kuva muri Nzeri 2021, MONUSCO yatangiye gahunda y'inzibacyuho yo kuhakura abasirikare, aho iyo gahunda yahereye mu ntara ya Tanganyika, kandi ko kuva ku itariki ya 30 Kamena 2022, MONUSCO itakihafite abasirikare.

 

Yavuze kandi ko hasigaye intara eshatu za Kivu y'Epfo, Ituri na Kivu ya Ruguru zigoye, kuko imitwe yitwaje intwaro imaze imyaka ihayogoza kandi ibintu ari urusobe, dore ko imitwe irenga 100 ikorera mu burasirabuba bw'iki gihugu.

 

Ati: "Uru rusobe rutuma habaho kutihangana no kubihirwa kw'abaturage. Ariko nabizeza ko ku rwego rwo hejuru muri iki gihugu no ku rwego rudukuriye i New York, dukora ibishoboka byose kugira ngo ibintu bihinduke".

 

Hashize igihe hari abaturage binubira abasirikare ba MONUSCO bagasaba ko bava mu gihugu, bavuga ko bananiwe kugarura umutekano nyuma y'imyaka irenga 20, ni mu gihe kandi hashize amezi hongeye kwaduka imirwano hagati y'ingabo za leta ya Congo n'umutwe w'inyeshyamba wa M23, nyuma y'imyaka hafi 10 yari ishize nta gitero gikomeye kiba cy'uyu mutwe.

 

RDC: Abantu 15 bamaze kugwa mu mvururu, MONUSCO ihakana kwica abigaragambya

Comment / Reply From