Dark Mode
  • Thursday, 28 March 2024

Hemejwe urukingo rwa mbere rw’agakoko gatera indwara zo mu myanya y’ubuhumekero

Hemejwe urukingo rwa mbere rw’agakoko gatera indwara zo mu myanya y’ubuhumekero

Mu gihe indwara zo mu myanya y’ubuhumekero zihitana abantu benshi muri Leta Zunze Ubumwe za Amerika, Ikigo cya Amerika gishinzwe gusuzuma ubuziranenge bw’imiti n’ibiribwa, cyemeje urukingo rwa mbere ku Isi rw’agakoko gatera indwara zo mu myanya y’ubuhumekero zirimo n’umusonga.


Uru rukingo rwitwa Arexvy rwemejwe na FDA, gusa rutegereje kubanza kwemezwa n’Ibigo bishinzwe guhangana no gukumira indwara z’ibyorezo mbere yo gushyirwa ku isoko, mu gihe abayobozi batangaje ko uru rukingo ruzatabara ubuzima bw’abantu benshi bahitanwa n’indwara za ‘bronchite’, ‘bronchiolitis’ n’umusonga; aho rushobora kuzatangira guhabwa abantu mu myaka itanu iri imbere.


Umuyobozi ushinzwe isuzuma n’ubushakashatsi muri FDA, Dr Peter Marks yagize ati:

 

“Uru rukingo rwa mbere rw’agakoko gatera indwara zo mu buhumekero rwemejwe, ni igikorwa cy’ingenzi kigezweho mu rwego rw’ubuzima mu kwirinda icyorezo cyari kibangamiye ubuzima.”


Iyi ndwara yibasira abantu b’ingeri zose ndetse muri Amerika yica abana bari hagati ya 100 na 300 bari munsi y’imyaka itanu, ikanica abari hagati y’ibihumbi bitandatu na 10 bari hejuru y’imyaka 65, aho abari hagati y’ibihumbi 60 na 120 bahabwa ibitaro buri mwaka.


Uru rukingo rwakozwe n’ikigo cy’Abongereza cya GSK, rwemejwe bwa mbere nk’urwahangana na respiratory syncytial virus (RSV), rumaze imyaka isaga 60 rugeragezwa; ndetse muri Gashyantare 2023 rwerekanye ko rwakora ku rugero rwa 82.6%.


Ni mu gihe kandi BBC dukesha iyi nkuru vuga ko ingaruka zikomoka kuri uru rukingo zitari zikanganye ndetse ngo ntizarenzaga iminsi ibiri, aho izikomeye zikaba zari uburibwe n’umunaniro igihe umuntu amaze kuruterwa.

 

Hemejwe urukingo rwa mbere rw’agakoko gatera indwara zo mu myanya y’ubuhumekero

Comment / Reply From