Dark Mode
  • Friday, 29 March 2024

Gatsibo: Abikorera beretswe amahirwe ari mu Karere bashobora gushoramo imari

Gatsibo: Abikorera beretswe amahirwe ari mu Karere bashobora gushoramo imari

Abikorera bo hirya no hino mu mirenge 14 igize Akarere ka Gatsibo, beretswe amahirwe ari mu Karere bashobora gushoramo imari, dore ko bafatwa nk’inkingi ya mwamba mu iterambere ry’abaturage.


Iki ni igikorwa cyabaye ku wa Gatanu taliki ya 20 Mutarama 2023, gihuriza hamwe ubuyobozi bw’Akarere ka Gatsibo burangajwe imbere n’Umuyobozi wako, Bwana Gasana Richard, izindi nzego z’ubuyobozi n’abagize urwego rw’abikorera mu Karere, kugira ngo hagaragazwe amahirwe ari muri aka karere abikorera bashobora gushoramo imari.


Amwe mu mahirwe yagaragarijwe abikorera, harimo gushora imari mu buhinzi n’ubworozi, ubukorikori, imyidagaduro, kubaka ibikorwaremezo birimo inganda n’amarimbi rusange byose bikenerwa n’abaturage.


Umuyobozi w’abikorera mu Karere ka Gatsibo, Bwana Rugwizangoga Elysee, yavuze ko amahirwe beretswe n’ubuyobozi bw’Akarere bagiye kuyabyaza umusaruro nk’abikorera.


Yagize ati:

’’Nk’abikorera dusanzwe dufatanya n’Akarere mu guteza imbere abaturage bacu, aya mahirwe tweretswe nk’abikorera tugiye kuyabyaza umusaruro dushoramo imari nk’uko dusanzwe tubigenza ku mishinga dufite muri aka karere’’.


Ni mu gihe Meya Gasana Richard, yavuze ko abikorera ari inkingi ya mwamba muri aka Karere, kuko hari byinshi bakora biteza imbere abaturage.


Ati:

‘’Abikorera bubatse ikigo abagenzi bategeramo imodoka kiri mu Murenge wa Kabarore, aho uruhare rwa leta rwari ukugura ubutaka bwubatseho icyo kigo none ubu badusabye ko basubiza leta amafaranga yashoyemo agera kuri miriyoni 75 z’amafaranga y’u Rwanda kandi twarabyemeye”.


Kugeza ubu imwe mu mishinga abikorera b’Akarere ka Gatsibo bamaze gukora irimo kubaka ikigo abagenzi bategeramo imodoka (Gare) giherereye mu Murenge wa Kabarore mu mujyi rwagati, aho iyi gare imaze kuzana impinduka nziza mu iterambere ry’Akarere; ni mu gihe kandi banahawe uruganda rutunganya umusaruro w’ibigori rwubatswe n’Akarere mu Murenge wa Rugarama kugira ngo barubyaze umusaruro.

 

 

Amwe mu mafoto yaranze iki gikorwa:

 

Gatsibo: Abikorera beretswe amahirwe ari mu Karere bashobora gushoramo imari
Gatsibo: Abikorera beretswe amahirwe ari mu Karere bashobora gushoramo imari
Gatsibo: Abikorera beretswe amahirwe ari mu Karere bashobora gushoramo imari
Gatsibo: Abikorera beretswe amahirwe ari mu Karere bashobora gushoramo imari
Gatsibo: Abikorera beretswe amahirwe ari mu Karere bashobora gushoramo imari

Comment / Reply From